Долгогодишниот германски репрезентативец и фудбалер на Реал Мадрид, Тони Крос проговори за најдобрите асистенти во светскиот фудбал.
Тони Крос со години стручњаците го сметаат за еден од најкомплетните играчи од средниот ред. За шпанските медиуми откри кои се најдобрите асистенти во последните години во светскиот фудбал.
„Што се однесува до асистенциите, би го изоставил Лео Меси. Тој е посебен, прави се на теренот што никој друг не може, дава голови и асистенции од забава, изведува слободни удари и многу други работи. Па ќе зборувам за играчи кои се во иста класа со мене. Кевин Де Брујне и Месут Озил остануваат најдобрите играчи кои можат да ви помогнат во секој момент. Морам да кажам дека сум импресиониран од стапката на асистенции на Ди Марија“, изјави Тони Крос и уште еднаш го спомна Меси.
„Лео е токму она што секој играч го сака во својот тим. Тој може да му донесе предност на својот тим од никаде, тоа не е светска класа, тоа е класа на Меси“.
