Утрински Весник
Спорт

Таткото на Федерер: Новак ни предизвика поголема болка од Рафа

Таткото на Федерер: Новак ни предизвика поголема болка од Рафа

Роберт Федерер, таткото на Роџер, по завршувањето на кариерата на неговиот син, проговори за најтешките порази што ги доживеал Швајцарецот на Грен слем турнирите.

dobivaj vesti na viber

Посебно го апострофираше поразот во финалето на Вимблдон во 2019 година кога Федерер пропушти две меч топки против Новак Ѓоковиќ. Во тој момент Федерер имаше 20, Надал 18, а Новак 15 големи титули.

После тоа, Швајцарецот веќе не беше во ситуација да се бори за трофеј на Грен слем турнирите.

„Новак ни нанесе поголема болка од Рафа. Тој Лондон во 2019 година, кога Роџер имаше две меч топки на сервис, е особено за паметење. Сите ја видовме таа титула во неговите раце“, изјави Федерер сениор.

Роберт Федерер смета дека трите најтешки порази на Грен слем турнирите, Роџер ги доживеал од Ѓоковиќ. И во тие мечеви Роџер не реализираше меч топки.

„Тешки моменти беа полуфиналните мечеви на Ју-ес опен во 2010 и 2011 година против Новак. И тогаш пропушти две можност да ја заврши работата“, изјави Роберт Федерер.

Роџер ја заврши кариерата со 20 Грен слем титули. Надал моментално има 22, а Ѓоковиќ 21.

Можете да прочитате

Мбапе ја однесе Франција во осмина-финалето

Премиер лигата не сака маратонски мечеви

Роналдо честел вечера во Доха, тројца од соиграчите не се појавиле