Алијанса за Албанците на Арбен Таравари, на денешниот партиски состанок донесе резолуција со која повика на независна и транспарентна истрага за трагедијата во Кочани, но и повторно отворање на истрагите за претходните трагедии – Дурмо турс, Беса транс и Модуларната болница во Тетово.
Во резолуцијата меѓу другото се бара спроведување на целосна, независна и транспарентна истрага за трагедијата во Кочани, под раководство на надлежните институции, ослободени од секакво политичко влијание, со обврска за редовно и јавно информирање на граѓаните за текот и наодите од истрагата, но и повторно отворање на истрагите за претходните трагедии – Дурмо турс, Беса транс и Модуларната болница во Тетово – во кои животот го загубија вкупно 135 граѓани, и за кои сè уште не е утврдена ниту институционална, ниту индивидуална одговорност
