Поради штрајк на пилотите на нискобуџетната германска авиокомпанија „Јуровингс“ откажани се околу 250 летови.
Подружницата на „Луфтханза“ објави дека околу половина од нејзините 500 дневни летови ќе бидат откажани, што ќе влијае на десетици илјади патници, пренесе АП. Германските аеродроми ќе бидат најтешко погодени, но и многу други, пред се во Стокхолм, Прага и Мајорка.
Синдикатот на пилотите најави штрајк откако пропаднаа разговорите со раководството за подобрување на работните услови. Пилотите бараат да се намали максималниот број на часови на летање.
Штрајковите во матичната компанија „Луфтханза“ завршија минатиот месец, откако авиокомпанијата и синдикатот постигнаа договор за платите за справување со ефектите од инфлацијата, потсетува американската агенција.
