Утрински Весник
Македонија

Силјановска-Давкова: Се уште размислувам дали да се кандидирам за претседателски кандидат

Гордана Силјановска-Давкова, која на минатите претседателски избори беше кандидат на ВМРО-ДПМНЕ, вели дека се уште размислува дали повторно да биде кандидат на претстојните избори. Во емисијата „Само интервју“ на Канал 5 телевизија, Силјановска-Давкова вечерва изјави дека разговарала на оваа тема со лидерот на ВМРО-ДПМНЕ, но дека се уште нема донесено конечна одлука. – Се уште не знам, размислувам низ призма на мојот живот. Се уште нема конечна одлука, вели Силјановска-Давкова. Додава дека секој може да се кандидира за претседателски кандидат на ВМРО-ДПМНЕ и дека ќе треба да се претстави со своја програма на конвенцијата, но дека последната одлука ќе ја донесат делегатите. Според неа, има многу причини годинава резултатот на претседателските избори да биде поинаков од оној на минатите претседателски избори. Во однос на најавите на албанскиот опозициски блок дека ќе настапат со свој претседателски кандидат и дали наскоро може да се очекува претседател Албанец, Силјановска-Давкова вели дека нема проблем со етничката припадност на кандидатите за претседател. Најважно за неа е знаењето и елоквентноста на кандидатот. – Мене воопшто не ми е проблем да има кандидат за претседател на државата Албанец, но најважно е кој е кандидатот. Крајно време е знаењето да го ставиме пред партиската припадност, вели Силјановска-Давкова.

Можете да прочитате

Ахмети го најави Османи за претседателски кандидат и барањето за потпретседател на државата

Стоилковски: Анастасов од СДС излажа, Пробиштип се труе со тешки метали, а тој реди соларни панели

Бојмацалиев: Никој ниту сега ниту порано саботираше некого, 140.000 обрасци за патни исправи се на пат кон Македонија