Утрински Весник
Бизнис

СДСМ: Само во мандатот на Ковачевски инсталирани се 27 мегавати фотонапонски централи

Ковачевски: Обновливите извори на енергија се иднината на регионот, инвестициите во зелената транзиција се клучни

Во изминатите 10 месеци, само за овој краток период од мандатот на Димитар Ковачевски инсталирани се 27 мегавати фотонапонски централи во земјава, соопшти СДСМ.

dobivaj vesti na viber

„ Колку за споредба, тоа се 11 мегавати повеќе од она што беше направено од ВМРО-ДПМНЕ за вкупно 11 години. За 10 месеци Ковачевски направи повеќе отколку за 11 години ВМРО-ДПМНЕ. Факт.

Еден од тие капацитети е електраната Осломеј. Со инвестиција во фотонапонската електрана од 10 мегавати, сопственост на ЕСМ, на поранешните наоѓалишта на јаглен во РЕК „Осломеј“. Енергетската транзиција на државата е во полн ек. Неодамна почна со работа најголемата фотонапонска централа со капацитет од 17 МW, изградена од страна на компанијата од Словенија („Ген-И“)“ додаваат од владејачката партија.

Оттаму најавуваат дека во наредните две години, треба да се пуштат во употреба сите 130 мегавати на фотонапонски електрани.

„ Тоа значи одговорен, ефикасен пристап кон енергетиката. Иднина во производството на електрична енергија Ковачевски ја гледа и на тоа интензивно работи токму во обновливите извори на енергија а резултатите се веќе видливи“ се вели во партиското соопштение.

Можете да прочитате

СКОПСКО со нов проект во партнерство со Министерството за животна средина и просторно планирање и Пакомак

Влада: Изминатото деноноќие произведени 12.580 MWh електрична енергија, задоволени потребите на домаќинствата

Нови цени на горивата од полноќ