Утрински Весник
Свет

САД до Србија: Објаснете што потпишавте со Русија во Њујорк

САД до Србија: Објаснете што потпишавте со Русија во Њујорк

Американскиот амбасадор Кристофер Хил изјави дека никој во овој момент не смее да потпише ништо со Русија.

dobivaj vesti na viber

Тој посочи дека САД не знаат точно што се подразбира под договорот што Србија го потпиша во Њујорк со таа земја и оти очекуваат во наредниот период да добијат појаснување за потпишаниот документ.

„Ние секако би сакале да слушнеме објаснување за тоа каков е тој документ. За време на оваа сесија во ОН, САД имаа добри разговори со Србија, па за тој документ слушнавме дури потоа и очекуваме објаснување за него“, рече Хил.

Изјавувајќи дека Русија води војна против својот сосед, Хил рече дека е тешко за луѓето во САД да разберат потпишување таков документ.

„Се надеваме дека ќе слушнеме објаснување за потпишувањето на тој документ“, изјави Хил, додавајќи дека САД веруваат оти Србија треба да ја погледне пошироката слика и нагласуваат дека САД ја поддржуваат Србија во диверзификацијата на нејзините извори на енергија со цел да се намали нејзината зависност од Русија, која во голема мера се заснова на уцени и стимулативни мерки на притисок“, рече Хил.

САД, исто така, сакаат да слушнат што сака Србија да прави во иднина и со какви односи треба да гради, како и со земја која, како што вели, брутално го нападнала соседот и користи закани за употреба на нуклеарно оружје.

„Сакаме да слушнеме и разбереме на што се засноваат односите и соработката меѓу Србија и Русија“, рече Хил.

 

Можете да прочитате

Портпаролот на терористичката „ИД“ го пофали нападот што го изврши во концертна сала во московскиот регион

Трагедија во Јужна Африка: 45 лица загинаа во автобуска несреќа

Илјадници налози на Телеграм блокирани поради повици на терористички напади