Ден по инцидентот над Црното Море, Русија ги повика САД да ги прекинат „непријателските летови“, пренесува АФП.
Медиумот потсетува дека вчера имаше близок контакт меѓу рускиот ловец Су-27 и американскиот воен дрон MQ-9 Reaper. Пентагон тврдеше дека станува збор за „рутински лет“, а Русија го нарече инцидентот „провокација“.
Британскиот министер за одбрана Бен Валас, реагирајќи на инцидентот над Црното Море, ја повика Москва да го почитува меѓународниот воздушен простор.
„Клучната работа овде е дека сите вклучени страни треба да го почитуваат меѓународниот воздушен простор и ги повикуваме Русите да го сторат тоа“, изјави Валас за Ројтерс на саемот за одбрана DSEI надвор од Токио.
„Американците рекоа дека мислат дека тоа е непрофесионален чин“, рече Валас.
Медиумот потсетува дека ова беше првиот физички контакт меѓу руски борбен авион и американски воен дрон од почетокот на војната во Украина пред повеќе од една година. Русија рече дека го смета инцидентот за „провокација“.
