Граѓаните ќе можат да одат на редовни средби во Уставниот суд со претседателот Дарко Костадиновски секој прв четврток во месецот. Уставниот суд ги повика граѓаните по повод 62-годишнината од првата седница одржана на 15 февруари 1964 година.
Прес-службата на Уставниот денеска соопшти дека целта на средбите е да се приближи работењето на овој суд до граѓаните, да се подигне свеста за уставно загарантираните права и да се објасни начинот на правилно поднесување на поднесоци.
Посочуваат дека средбите претставуваат можност граѓаните одблизу да се запознаат со надлежностите, постапките и значењето на одлуките на Уставниот суд во заштита на правата и слободите.
За учество, заинтересираните можат да се пријават на електронската адреса gragani@ustavensud.mk, а за дополнителни прашања на располагање е и телефонскиот број +389 2 322 3626, се наведува во соопштението.
