Раководството на ПСЖ размислува да му понуди нов договор на аргентинскиот напаѓач Лионел Меси, пренесуваат француските медиуми. Во клуботбиле задоволни од настапите на искусниот напаѓач и се подготвени на еден од најдобрите светски фудбалери да му понудат двегодишен договор.
Официјални преговори меѓу двете страни се уште нема, но тие треба да почнат по Светското првенство во Катар, па не пред декември.
Меси оваа сезона одигра седум натпревари во францускиот шампионат и постигна три гола со седум асистенции.
„Светците“ се лидери во првенството со 19 освоени бода на седум меча, а следниот викенд гостуваат во Лион.
Аргентинецот дојде во Париз од Барселона во летото 2021 година и потпиша договор до крајот на сезоната 2022/23.
Во изминатите месеци се шпекулираше дека Меси би можел да се врати на „Камп Ноу“.
