Утрински Весник
Спорт

Просинечки: Не криев од тренерите на Реал и Барселона дека пушам цигари

Просинечки: Не криев од тренерите на Реал и Барселона дека пушам цигари

Барселона и Реал Мадрид во недела од 21 часот на „Камп Ноу“ ќе играат четвртото Ел Класико оваа сезона. Најголемото дерби на шпанскиот фудбал може да реши многу дилеми во шампионската трка.

dobivaj vesti na viber

Шпанска „Марка“ пред натпреварот направи голем осврт на играчите кои настапуваа за двата тима. Низ богатата историја, за двата клуба играле 31 фудбалер, а еден од нив беше и Роберт Просинечки.

„Мојот трансфер не беше толку контроверзен како оној на Луис Фиго бидејќи од Реал отидов прво во Овиедо, а потоа во Барселона. Повредите ме спречија да играм како што сакав, но останав пријател со играчите од двата тима“, изјави Просинечки.

Поранешниот играч на Динамо и Црвена звезда сподели и анегдота со шпанските новинари.

„Многу играчи од двата тима пушеа цигари. Јас бев единствениот кој никогаш не се криев“, призна Просинечки, кој одигра 74 натпревари за Реал и 26 за Барселона. Тој постигна 12 гола за Реал и два за Барселона.

Можете да прочитате

Герасимовски: Конечно Работнички се враќа на шампионските патеки

Ливерпул крева раце од Алонсо, ќе бара нов наследник на Клоп

Поранешниот селектор на Кина призна дека примил 10 милиони евра мито