Утрински Весник
Македонија

Перформансите на новите оклопни возила презентирани пред Џафери и членовите на Комисијата за одбрана

Перформансите на новите оклопни возила презентирани пред Џафери и членовите на Комисијата за одбрана

По покана на министерката за одбрана, Славјанка Петровска, претседателот на Собранието, Талат Џафери, заменик-претседателот на Собранието, Горан Мисовски, и членови на собраниската Комисија за одбрана и безбедност, денеска во штипската касарна „Јане Сандански“ можеа да проследат показна вежба, чиј составен дел беа и новите најмодерни лесни оклопни возила на Армијата на Република Северна Македонија, JLTV Oshkosh.

dobivaj vesti na viber

Вежбата „Употреба на JLTV-возилата при изведување борбени операции со воздушна поддршка“ ја изведоа припадниците на вториот баталјон од 1. пешадиска бригада на Армијата, единица што пред пет месеци успешно го помина НАТО-оценувањето.

По вежбата од страна на припадниците на армиската НАТО-единица присутните беа запознаени и со тактичко-техничките карактеристики на возилата и нивната намена, а беше презентиран и дел од нивната лична опрема и вооружување.

Првите 6 нови лесни оклопни транспортери од американско производство пристигнаа во јули годинава и со нив значително е подобрена борбената готовност на Армијата.

Се очекува во следниот период да биде испорачана нова пратка од 27 возила од овој тип.

Можете да прочитате

Маричиќ-Ќучук: Низ соработка градиме пријателства и создаваме нови можности за младите од двете земји

Маричиќ: Реформите се многу повеќе од нови ЕУ-закони, тоа се промени во функционирањето на институциите

(Видео) Спасовски: 45 години високо образование за безбедност, со научни резултати до заеднички одговор на безбедносните предизвици