Утрински Весник
Македонија

Османи на состанок на министрите на надворешни работи на ЦЕИ

Османи на состанок на министрите на надворешни работи на ЦЕИ

Министерот за надворешни работи Бујар Османи учествуваше на неформалниот состанок на министрите на надворешни работи на Централно европската инициатива (ЦЕИ), кој се одржа на маргините на 77 – та сесија на Генералното собрание на ОН во Њујорк.

dobivaj vesti na viber

За време на обраќањата на претставниците на земјите-членки, фокусот беше ставен врз руската воена агресија врз Украина и начинот на кој ЦЕИ може да ѝ помогне на оваа земја. Се разговараше и за модалитетите како иницијативата може да пристапи кон актуелните предизвици директно поврзани со војната – енергетска криза и нарушувањето на синџирот на снабдување.

Во таа насока, министерот Османи повика на вклучување на земјите од Западен Балкан во заедничките механизми на ЕУ за справување со економските, финансиски и енергетски последици од инвазијата врз Украина. Како позитивен пример, во тој поглед, ги посочи одлуките на Владите на Бугарија и Грција да помогнат на Северна Македонија да го преброди недостатокот на енергенти.

Османи се осврна и на проширувањето на ЕУ, за кое нагласи дека треба да се гледа како „најадекватна инвестиција за безбедноста на самата Унија и Европскиот континтент во целина“.

Можете да прочитате

Маричиќ-Ќучук: Низ соработка градиме пријателства и создаваме нови можности за младите од двете земји

Маричиќ: Реформите се многу повеќе од нови ЕУ-закони, тоа се промени во функционирањето на институциите

(Видео) Спасовски: 45 години високо образование за безбедност, со научни резултати до заеднички одговор на безбедносните предизвици