Утрински Весник
Спорт

Обрад Марковски успешен на стартот од квалификациите на турнирот во Скопје

Обрад Марковски успешен на стартот од квалификациите на турнирот во Скопје

Македонскиот тенисер Обрад Марковски со победа ги почна квалификациите на челeнџер 75 турнирот „Macedonian Open 2023“. Тој во мечот од првото коло од квалификациите го совлада Евгениј Карловски од Русија со 2:0 во сетови (6:2, 6:1). Мечот траше еден час и девет минути, а утре во финалето од квалификациите ќе игра против Карол Дрзвиецки од Полска, кој беше подобар од македонскиот тенисер Бесир Дургути со 2:0 во сетови (6:2, 6:1) за 55 минути.

dobivaj vesti na viber

Марковски оствари шест брејка од девет можности и доминираше на мечот со Карловски.

Покрај Дургути, турнирот во квалификациите веќе го заврши и Берг Бугариќ. Тој загуби од Унгарецот Мате Валкуж со 2:0 во сетови (6:4, 6:1).
Од македонските тенисери во првото коло во квалификациите ќе настапи и Горазд Србљак, кој за противник го има Дује Ајкуковиќ од Хрватска.

На главниот турнир ќе игра најдобриот македонски тенисер Калин Ивановски.

 

Можете да прочитате

Надал за првпат елиминиран во првото коло на Ролан Гарос

Конте станува најплатениот тренер во Серија А

Синер ја помина првата пречка на Ролан Гарос