Утрински Весник
Економија

Објавена листата на најскапите градови во светот

Објавена листата на најскапите градови во светот

Њујорк и Сингапур се рангирани како најскапи градови во светот, според годишното истражување на глобалните трошоци за живот на Economist Intelligence Unit (EIU).

dobivaj vesti na viber

Њујорк за првпат е на врвот на рангирањето, додека Сингапур е на првото место по осми пат во последните 10 години.

Израелскиот Тел Авив, кој во 2021 година беше прогласен за најскап град во светот, годинава е на третото место.

Освен Њујорк, на листата на десет најскапи градови се искачија и Лос Анџелес и Сан Франциско. Сите 22 американски градови опфатени со истражувањето се зголемија на рангирањето поради брзиот раст на цените и силниот долар. Шест од нив – Атланта, Шарлот, Индијанаполис, Сан Диего, Портланд и Бостон – беа меѓу 10-те градови кои покажаа најголеми скокови на скалата.

Најмногу напреднаа руските градови Москва и Санкт Петербург, кои скокнаа за 88, односно 70 места.

Повеќето европски градови паднаа на листата.

Сирискиот главен град Дамаск и либискиот Триполи остануваат најевтините градови.

Истражувањето оваа година беше спроведено од 16 август до 16 септември во 172 поголеми градови во светот.

 

Можете да прочитате

Надворешен долг, побарувања и меѓународна инвестициска позиција во четвртото тримесечје од 2023 година

Одржана седница на Советот на Народната банка: Во вториот квартал од 2025 година стапката на противцикличниот заштитен слој на капиталот ќе остане 1,5%

Битиќи: На ВМРО-ДПМНЕ им е непријатно кога гледаат како платите растат