Утрински Весник
Свет

Нобеловецот Муратов и балетската ѕвезда Баришников со повик до властите да го предадат телото на Навални на семејството

Navalni.webp.webp
300x250 (7)

Рускиот новинар, добитник на Нобеловата награда Дмитриј Муратов и балетската ѕвезда Михаил Баришников објавија видеа во кои ги повикуваат руските власти да му го вратат телото на опозицискиот лидер Алексеј Навални на неговото семејство, една недела по неговата смрт во затворската колонија.

„Само дајте ѝ го на Људмила нејзиниот син“, рече Муратов, додавајќи дека е срамно да се зборува за тоа во земја која се уште се смета себеси за христијанска.

300x250 (7)

Угледни Руси директно апелираа до претседателот на Русија, Владимир Путин, да го врати телото на Навални на неговото семејство, јави АБЦ њуз.

Мајката на Навални вчера изјави дека го видела телото на нејзиниот син и се спротивставува на големиот притисок да се согласи на таен погреб далеку од очите на јавноста. Људмила Навални рече дека инспекторите и дозволиле да го види телото на нејзиниот син во градската мртовечница.

Портпаролката на Навални, Кира Џармиш, на платформата Х изјави дека и на неговата мајка и е покажано лекарско уверение во кое се наведува дека 47-годишниот лидер на опозицијата починал од „природна смрт“.

Ss1

Можете да прочитате

Лавров: Западот се приближува до работ на директен воен конфликт меѓу нуклеарните сили

Хамас повика на ескалација на сите фронтови

Шпанија формира фонд за жртви на сексуална злоупотреба од свештеници