Утрински Весник
Македонија

На Клиника за ортопедија извршена втора успешна трансплантација со коска од починат донор

Vtora Transpl Pct 960x720 1.jpg

Уште една успешна трансплантација со коска од починат донор, втора во изминатово деноноќие.

Трансплантацијата е извршена на 19 годишен пациент за корекција на деформитет на стапало како резултат на церебрална парализа.
-Во минатото корекција на деформитет се правела со користење на дел од надворешната коска на потколеницата која се земала од пациентот. Притоа се појавувал дефект кој тешко се корегирал. Со користењето на коска од кадавер, оперативниот зафат трае многу пократко и не остава дефект на друго место кај пациентот, а и корекцијата е многу постабилна.


Екипата која ја изврши трансплантацијата ја предводеше проф. д-р Зоран Божиновски со анестезиологот д-р Лилјана Ангелеска и асистенти д-р Теодора Божиновска и Кристина Јордановска, заедно со средно-медицинскиот кадар Менче Дојчиновска и Оливера Лазаревска.
Експертизата и стручноста остануваат наш императив и силно сме фокусирани на нови методи и процедури во трансплантацијата, вели проф.д-р Билјана Кузмановска, национален координатор за трансплантација.

Можете да прочитате

Попов ја запроси својата сакана Моника – „Кажа ДА!“

АХВ: Нема токсична туна во Македонија

Колку е безбедно да се шетате ноќе во Македонија? Еве што покажуваат статистиките!