Утрински Весник
Македонија

На бебе старо два дена му пресекле дел од палецот при вадење инфузија на ГАК

Img 5031.jpeg

Инцидент со новороденче старо само два дена е пријавен на Клиниката за гинекологија и акушерство во Скопје, откако при обид за отстранување на инфузија му бил повреден палецот. Настанот се случил на 16 ноември, а бебето по повредата било итно префрлено на Клиниката за детска хирургија.

Според информациите за случајот, медицинскиот персонал се обидувал да ја отстрани инфузијата, која била фиксирана со леплива лента и завој. При употреба на ножици, ненамерно бил зафатен и пресечен дел од палецот на новороденчето.


Веднаш по инцидентот бил повикан детски хирург, по што бебето било транспортирано на Клиниката за детска хирургија, каде што му бил извршен оперативен зафат.

Од Клиниката за гинекологија и акушерство го потврдија настанот и информираа дека тој бил евидентиран и пријавен како несакан настан. Случајот веќе бил разгледан и од Комисијата за квалитет.

За утврдување на околностите под кои дошло до повредата е закажан состанок на Дисциплинската комисија, која треба да ја испита и евентуалната индивидуална одговорност.

Од Клиниката порачуваат дека нема да има толеранција за утврдени пропусти. Доколку се утврди одговорност, најавуваат преземање најстроги мерки во согласност со законските прописи.

Можете да прочитате

32.000 денари за одобрување елаборат што не ги исполнувал условите – ОЈО бара притвор за вработен во ДЗС

17 дена пред „АЛТА банка“ Белград да ја загуби дозволата, Владата предложила измени за користење на парите за обештетување на штедачите

Кривична за девет полицијаци за случајот со Росица