Утрински Весник
Спорт

МЗТ пред мечот со Партизан: Нѐ очекува дуел против голем тим предводен од најтрофејниот тренер во историјата

МЗТ пред мечот со Партизан: Нѐ очекува дуел против голем тим предводен од најтрофејниот тренер во историјата

Кошаркарите на МЗТ Скопје Аеродром се пред нов голем предизвик во АБА лигата. Македонскиот тим вечерва (18 часот) гостува во Белград и ќе ги одмери силите со уште еден евролигаш, составот на Партизан.

dobivaj vesti na viber

По поразот од Црвена Звезда, избраниците на Драган Николиќ имаат уште потешка задача, ќе играат на гости против „црно-белите“ кои ги предводи Жељко Обрадовиќ.

„Играме против уште еден евролигаш кој сезонава е непобедлив на домашен терен во АБА и кој исто како и нашиот претходен ривал има сериозни амбиции да влезе во плејофот на Евролигата и да ја освои титулата во регионот. Згора на тоа, формата на Партизан е во нагорна линијата што најдобро можеше да се види на неколкуте последни средби на домашен терен против Цибона, Задар и Монако, кои „црно-белите“ ги добија ептен убедливо. Според ова јасно е дека не чека уште еден исклучително тежок дуел против еден од најдобрите европски тимови предводен од најтрофејниот тренер во историјата. Изминатата недела ја искористивме добро да истренираме, а се засиливме со Кук и Абу кои верувам добро ќе се вклопат и ќе дадат свој придонес кон остварувањето на заедничката цел, а тоа е опстанок во АБА“, вели Николиќ.

Партизан на овој меч влегува по убедливата победа над Басконија во Евролигата.

Можете да прочитате

Шефот на Ла лига: Мбапе и Халанд може да дојдат во Реал, но не и во Барса

Клоп за трошењето на Челси: Не кажувам ништо без адвокат!

Меси одговори дали ќе игра на следниот Мундијал