Со септемвриската пензија околу 330 илјади пензионери во државата ќе добијат повисоки пензии за 6,8 отсто во согласност со новата методологија воведена со последните измени во Законот за пензиското и инвалидското осигурување, кои стапија во сила во март 2022 година, информираат од МТСП.
Од таму посочуваат дека новата методологија предвидува усогласување на пензиите со комбиниран модел од 50 отсто пораст на просечната плата на сите вработени во државата и 50 % пораст на трошоци на живот во согласност со официјалните податоци на Државниот завод за статистика.
Усогласувањето ќе се врши двапати во годината, односно во март и септември, што значи ќе ги следи промените во двата индекса за усогласување.
Споредбено со просечната пензија усогласувањето би изгледало вака:
Просечна пензија во јули 2022 година изнесуваше 16.348, а со усогласувањето од 6,8 отсто во септември 2022 година изнесува 17.422 денара (1.074 денари повеќе), информираат од Министерството.
