Неколку лица се повредени откако експлозивна направа беше фрлена во толпа од 500 луѓе собрани на погреб во југозападниот германски град Алтбах.
Полицијата, државното биро за криминалистичка истрага и канцеларијата на државниот јавен обвинител објавија детали за нападот. Според полицијата, 23-годишен маж се приближил и фрлил непознат предмет во толпата.
Пет лица се полесно повредени и им е укажана помош во болница. Присутните го бркале осомничениот и до тој степен го претепале што бил пренесен во болница.
Полицијата примила неколку итни повици за експлозија, на кои реагирале голем контингент полиција, брза помош и пожарникари.
