Бандери на ЕВН, плевна, амбар со жито, приколка од трактор, нива биле зафатени од вчерашните пожари во кумановско, соопшти денеска СВР Куманово.
Вчера, во СВР Куманово било пријавено дека околу 17:00 часот настанал пожар во село Трновац, кратовско, во кој била опожарена сува трева и четири бандери на ЕВН Македонија. Околу 16:40 часот настанал пожар во село Стрновац, општина Старо Нагоричане, во кој била опожарена плевна, амбар со жито и приколка од трактор, сопственост Љ.К.
Во 16:20 часот во село Младо Нагоричане, општина Старо Нагоричане, во близина на црквата „Св. Петка“, настанал пожар во кој биле опожарени четири бандери на ЕВН Македонија, електричен кабел и помошна просторија за која не била утврдена сопственоста. Во 18:00 часот во близина на село Четирце настанал пожар во кој била опожарена нива со четири декари овес, сопственост на З. А.
Пожарите биле локализирани од екипи на територијалните противпожарни единици, а повредени лица нема.
