Утрински Весник
Македонија

Маричиќ од Универзитетот Харвард: Проевропскиот фронт ја води Северна Македонија кон ЕУ, кон просперитет на државата

Првиот заменик претседател на Владата за европски прашања Бојан Маричиќ во рамки на посетата на САД, денес учествуваше на работилницата на тема „Патот на Северна Македонија кон ЕУ”. 

На работилницата учество земаа заинтересирани лица – пријавени за учество на конференцијата меѓу кои и спикери, претставници на разни иницијативи и истражувачки центри, професори, истражувачи. 

Вицепремиерот Маричиќ сублимирано го објасни македонскиот пат до Европската Унија, за понатаму да ја истакне важноста на изборите кои претстојат за европската кауза. 

„Во Северна Македонија постојат два политички концепти, едниот е проевропски, другиот концепт припаѓа на крилото на национализмот односно популизмот. 

За учесниците на работилницата, првиот вицепремиер накусо ја објасни важната улога на преспанскиот договор, ја дефинираше новата методологија за пристап кон ЕУ, улогата и можностите кои се отвораат за Северна Македонија со пристапувањето во ЕУ.

За крај на активната дискусија, која течеше помеѓу учесниците истакна дека 2030 година е достижна и реална цел за Северна Македонија да влезе во Европската Унија преку посветеност и сериозна работа. 

На работилницата модерирана од Александар Јаковлевиќ се дискутираше за влијанијата на САД, за Северна Македонија и целовкупниот евроинтегративен пат, влијанието на Кина како и за тоа што би било потребно да се направи како следен чекор кон пристапните преговори.

Можете да прочитате

ВМРО-ДПМНЕ: На СДС и ДУИ како малку да им беше што го уништија стандардот на граѓаните, па во заминување ги зголемуваат цените во Катастар и до 300%

СДСМ: Поголеми плати во новиот мандат, 1.000 евра просечна и 600 евра минимална плата

РАНА НАЈАВА: Во Склоп на длабокиот циклон од северозападна Европа, влажен бран ќе ја зафати и Македонија!