Македонија ќе има двајца претставници во битката за златен медал во утрешните финалиња во борење.
Првото е во категоријата до 74 килограми, а второто во категоријата до 97 килограми.
Фати Вејсели во полуфиналната битка оствари победа од 5:3 над Турчинот Јасин Јесил и покажа дека е голема македонска надеж во категорија до 74 килограми, но идентичен успех постигна и Реџеп Хајтари.
Во категорија потешка 25 килограми од онаа на Вејсели, Хајтари успеа да слави со 3:2 над Адлан Виханов, па двајцата македонски борци сега ќе се борат за златен медал во утрешните финалиња.
Вејсели за ривал ќе го има Ислам Дудаев од Албанија, додека Хајтари ќе ги одмери силите со Гркот Даурен Куруглиев.
На утрешната програма ќе има и трет македонски претставник, а тоа е Ахмад Магомедов кој ќе има битка за бронзен медал во категоријата до 86 килограми, борба во која за ривал ќе го има Италијанецот Габриеле Николини.
