Младиот македонски математичар Македон Димитровски оствари импресивен резултат на Германската математичка олимпијада, каде што освои два златни медала и се најде меѓу најуспешните натпреварувачи на престижниот меѓународен собир.
Димитровски златото го освои во индивидуалната конкуренција по математика, како и во посебниот математички предизвик, со што дополнително го потврди својот исклучителен талент.
Како признание за неговиот настап, тој беше вклучен и во престижната група лауреати – статус што им припаѓа само на натпреварувачите со највисоки достигнувања на олимпијадата.
Информацијата за успехот ја сподели неговиот татко Владимир Димитровски, кој истакна дека станува збор за резултат што е плод на талент, труд и посветеност.
„Со своите блескави резултати, Македон беше прогласен и во престижната група на лауреати — признание резервирано само за најдобрите од најдобрите. Овој неверојатен успех е доказ за врвен талент, огромна посветеност и достојно претставување на Македонија на меѓународната сцена. Честитки, Македон! Ти си наша гордост, инспирација и вистински шампион“, напиша тој.
