На 4, 5 и 6 ноември, КСП Центар Јадро, за првпат организира Маалски фестивал.
Идејата на овој фестивал е да ги обедини уметноста и маалскиот живот. За време на фестивалот, во просториите на КСП Центар Јадро, како и на повеќе локации во Дебар Маало, ќе бидат изведени голем број на улични уметнички акции.Ова вклучува маалски тури или посета на најзначајните локални точки, танцови перформанси, поетски читања, концерти, работилници, филмски промоции, театарски претстави и книжевни промоции.
Овој мултимедијален и инклузивен колаж од збиднувања има за цел да ја анимира и инспирира локалната заедница. Па така, и уметниците и публиката заеднички ќе учествуваат во создавање на една неповторлива и автентична маалска/фестивалска приказна.
Фестивалот е реализиран со поддршка од Министерство за култура на РСМ.
Ајде заедно да создаваме нови маалски приказни!
Дојдете сите, големи и мали, за низ дружба да ги разиграме маалските улици.
