Феран Торес ќе биде ставен на трансфер листата. Барселона за шпанскиот репрезентативец пред една година, на Манчестер сити му плати 50.000.000 евра.
Торес играше солидно минатата сезона, но оваа сезона е далеку од вистинската форма, а според медиумите, соиграчите немаат верба во неговите можности.
Како што пренесува „Ел Национал“, неколкумина го молеле тренеот Чави, тој воопшто да не игра бидејќи немал никаков придонес на теренот.
Новинарите на „Ел Национал“ истакнаа дека еден играч на Барселона е особено критичен кон Феран, а тоа е Роберто Левандовски.
„Полјакот стана негов главен противник. Левандовски е едноставно уморен од него. Тој е целосно неспособен да комуницира со Феран на теренот. Шпанецот е во неповолна позиција и фактот што лидерот на тимот побара од Чави да не биде дел од офанзивното трио, туку партнери да му бидат Ансу Фати, Усман Дембеле или Рафиња.
Од оваа перспектива речиси е сигурно дека Феран ја игра последната сезона во Барселона. Исто така е сигурно дека Барселона нема да ги врати вложените пари во неговиот трансфер.
„Челниците на Барселона ќе направат дополнителни обиди да го продадат во летото 2023 година. Жоан Лапорта и Матеу Алемани заклучија дека операцијата за потпишување на Феран е грешка и го нарекоа играчот чист неуспех“, пишува „Ел Национал“.
