Утрински Весник
Балкан

Косово станува придружна членка во Парламентарното собрание на НАТО

20240324163228 Big 730x400 14.webp.webp

Пратеникот на владејачката партија во Косово, Движење самоопределување, Дритон Хисени соопшти дека статусот на Косово во Парламентарното собрание на НАТО е подигнат од членка-набљудувач на ниво на придружна членка, јави дописникот на МИА од Приштина.

Хисени, кој е шеф на делегацијата на косовското Собрание во Парламентарното собрание на НАТО, преку објава на својата страница на Фејсбук, информира дека одлуката за унапредување на статусот на Косово во Алијансата е донесена во текот на денешната работа на Постојаниот управен комитет на Собранието, што се одржува во Естонија.

– Ова е највисоко ниво на претставување во Собранието до полноправно членство на Косово во НАТО. Долги години Косово имаше статус на членка-набљудувач. Денешната одлука ќе биде формализирана со гласање во Парламентарното собрание на НАТО на пролетната сесија на Собранието, што ќе се одржи на 27 мај во Софија, напиша Хисени.

Тој информира дека Косово, со зголемувањето на нивото на застапеност во Собранието на НАТО, ќе има проширување на делегацијата, поголемо вклучување во одлуките на Собранието и право да се обрати со амандмани и коментари за секој процес и документ што се третира од страна на Собранието, што претходно требаше да се прави преку делегации од други земји, главно од Албанија.

Можете да прочитате

Вучиќ: Ако биде изгласана резолуцијата за Сребреница, ќе бараме непостојано место во Советот за безбедност на ОН

Уапсен е поранешниот главен специјален обвинител на Црна Гора, осомничен e за создавање криминална организација

Земјотрес со јачина од 4,3 степени ја погоди грчката провинција Тесалија