Колумбија и Венецуела ја отворија границата по долгогодишната тензија и неодамнешното обновување на дипломатските односи.
„Ова е историски ден за земјата, регионот и за Америка воопшто“, рече колумбискиот претседател, Густаво Петро.
Првиот товарен камион го премина мостот Симон Боливар од Колумбија до соседната земја првпат по седум години. Ќе продолжат и комерцијалните летови.
Земјите неодамна ги обновија дипломатските односи, а постепеното зближување на двете јужноамерикански народи се случи по изборот на Густаво Петра на 19 јуни за прв левичарски претседател во поновата историја на Колумбија. Границата првпат беше затворена во 2015 година поради зголемениот шверц на евтина стока од Венецуела во Колумбија и извештаите за борби меѓу венецуелските војници и колумбиските шверцери.
Тензиите меѓу земјите повторно се разгореа во 2019 година кога колумбиската влада со помош на САД се обиде да испрати камиони со помош на венецуелската опозиција предводена од Хуан Гуаидо.
