Жалосно е што е еве и сега во оваа постапка никој не признава вина туку секој ја префрла вината на друг или пак на оние кои се покојни што е за неверување и тоа е таа ерозија за која зборувам, порача во „Ноќно студио“ на 4TV екс јавниот обвинител Љупчо Коцевски.
„Гледате и сега во процесот, при толку толку жртви и такви пропусти, секој вика јас не сум крив, што за сите нас е можеби несфатливо“ посочи тој.
Коцевски истакна и дека Македонија како мала држава се соочила со бројни трагедии како потонувањето на бродот во Охрид, модуларната болница во Тетово, поплавите во Стајковци, Беса Транс во Бугарија и други, но дека по секоја таква трагедија речиси и ништо да не се менува.
