Македонската кошаркарска легенда Перо Антиќ најверојатно ќе добие нов четиригодишен мандат како претседател на Кошаркарската федерација на Македонија. Како што информираат од „Куќата на кошарката“, за 29 март е закажано Редовното изборно собрание на кое главна точка ќе биде избор на претседател на федерацијата.
Неофицијално, Антиќ засега е единствениот кој би се кандидирал за да продолжи со раководењето на федерацијата.
Антиќ на чело на КФСМ застана пред четири години кога дојде на местото на Петар Наумоски.