Утрински Весник
Спорт

Карагер и Невил: Зошто Фоден не игра кај Саутгејт?

Карагер и Невил: Зошто Фоден не игра кај Саутгејт?

Англија одигра 0:0 со САД во второто коло од групата Б на Светското првенство во Катар. Избраниците на селекторот Герет Саутгејт по победата над Иран од 6:2 потфрлија во групата во која се голем фаворит, додека во последното коло ќе играат против Велс.

dobivaj vesti na viber

Покрај лошата игра против САД, во Англија најмногу се коментира неиграњето на Фил Фоден. Играчот од средниот ред на Манчестер сити и еден од најдобрите млади играчи во светот, не играше против САД, додека против Иран доби околу 20 минути.

Англиските медиуми го критикуваат Саутгејт што не го користи повеќе. Поранешниот англиски репрезентативец, а сега стручен коментатор Џејми Карагер на Твитер истакна дека Фоден досега добивал мала минутажа.

„Фил Фоден одигра 19 минути на Светското првенство. Тоа е комедија, тој е најталентираниот играч што Англија го има“, напиша Карагер.

Сличен коментар има и неговиот колега Гери Невил.

„Голема штета што Фоден не стартува од првата минута. Тој е најголемиот талент во Англија“, смета Невил, исто така стручен коментатор и поранешен англиски репрезентативец.

Фоден има 22 години и за англиската репрезентација има играно 19 натпревари. Во тековната сезона за Сити постигна осум гола и запиша три асистенции, а „Трансфермаркт“, неговата вредност ја проценува на 110 милиони евра.

Можете да прочитате

Милан има само 2,8 милиони евра за трансфери

По најновите докази за силувањето: Сопругата на Дани Алвеш ги избришала сите заеднички фотографии

Адеми доби понуда од Штутгарт, но Динамо Загреб не му дозволува да замине