Конзервативците имаат убедливо водство на денешните парламентарни избори во Грција, покажуваат излезните анкети на шест агенции за испитување на јавното мислење.
Според нивните проценки, Нова демократија на поранешниот премиер Киријакос Мицотакис ќе победи со поддршка од 40 до 44 отсто од гласовите, што според проекциите би можело да и донесе 158 парламентарни места, пренесува Ројтерс.
Се проценува дека Сириза на Алексис Ципрас ќе добие меѓу 16,1 и 19,1 отсто од гласовите (45 пратенички места), додека ПАСОК ќе освои меѓу 10 и 13 отсто (29) од поддршката на грчките граѓани.
