Утрински Весник
Свет

Хамас потврди дека починал уште еден од заложниците киднапирани за време на нападот врз Израел

43648 Depositphotos 589336552 S F.jpg

Палестинската група Хамас денеска соопшти дека починал уште еден од заложниците киднапирани за време на нападот врз Израел на 7 октомври 2023 година. Хамас објави видео во кое се вели дека Надав Поплвел, кој бил киднапиран од јужната израелска заедница Кибуц Нирима, починал откако бил ранет во израелски воздушен напад во Појасот Газа, пренесуваат британските медиуми. Израелската војска (ИДФ) веднаш не го коментираше најновото видео на палестинската милитантна група, но претходните видео пораки на Хамас со заложниците ги нарече „психолошки терор“. Претходно денеска Хамас објави видео од 51-годишниот заложник пред бел ѕид, со модринка над десното око, кажувајќи го неговото име. Неколку часа подоцна, во друга снимка се вели дека тоа е Поплвел, британски државјанин, кој починал од повредите здобиени пред еден месец во израелски воздушен напад. -Почина бидејќи не доби интензивна медицинска нега во медицинските установи уништени од непријателот во Појасот Газа, изјави Абу Убаида, портпарол на вооруженото крило на Хамас. Според израелската евиденција, од 252 киднапирани лица, 128 останале во Газа, а најмалку 36 биле прогласени за мртви од израелскиот форензички комитет.

Можете да прочитате

Калињак: Закрепнувањето на премиерот Фицо, по обидот за убиство, ќе трае исклучително долго

Save the Children: 6,5 милиони авганистански деца годинава ќе се соочат со глад

Макрон: На Украина да и се дозволи да користи западно оружје за да гаѓа цели во Русија