Утрински Весник
Економија

Германија бара работна сила низ целиот свет – нуди и повисоки плати и различни олеснувања

Германија бара работна сила низ целиот свет – нуди и повисоки плати и различни олеснувања

Во потрагата по работна сила, Германија има намера да се фокусира на земји надвор од Европа, како што се Бразил, Мексико и Индонезија, изјави во саботата министерот за труд Хубертус Хајл за весникот „Ноје Оснабрикер Цајтунг“.

dobivaj vesti na viber

– Заедно со претставниците на стопанството работиме на стратегија во земјите каде што на пазарот на трудот има многу повеќе млади и добро квалификувани работници отколку што домашните пазари на труд можат да апсорбираат, рече министерот за труд Хубертус Хајл од Социјалдемократска партија на Германија – СПД во интервју за весникот Ноје Оснабрикер Цајтунг.

Хејл рече дека ќе се внимава да не се лиши домашниот пазар на труд од потребните специјалисти. Тој изјави дека е „вин-вин“ ситуација.

– Ние профитираме, но профитираат и земјите на потекло. Ќе инвестираме во стручно оспособување на младите на лице место, а луѓето кои ќе дојдат во Германија ќе имаат корист од добро платена работа што им дава можност да ги финансираат своите семејства дома, рече Хајл.

Хејл во јуни треба да отпатува во Бразил со министерката за надворешни работи, Аналена Бербок, со цел да се разгледа можноста за доаѓање на поголем број негувателки, кои се многу потребни на германскиот пазар на труд.

Слични договори треба да се склучат и со Мексико и Индонезија, а Хајл веќе ја посети Гана во февруари со истата цел.

Како што јави јавниот сервис АРД, германската влада води разговори за привлекување работна сила и со Колумбија, Тунис, Мароко, Египет, Индија, Филипини и Виетнам.

Покрај квалификуваната работна сила во областа на грижата, од споменатите земји треба да пристигнат и други работници кои му се потребни на германскиот пазар на труд.

Како што соопшти Институтот за германска економија (IW), на крајот на 2022 година во агенциите за вработување во Германија биле пријавени над 630.000 работни места кои не можеле да се пополнат поради недостаток на одредена работна сила.

Има само 33 соодветно квалификувани работници за сто отворени работни места во секторот за нега.

Претседателот на Фондацијата за заштита на пациентите, Еуген Бриш, истовремено го критикуваше масовниот увоз на негувателки и посочи дека потенцијал за полесно пополнување на отворените работни места во секторот за нега постои и сега во Германија, но дека е неопходно да се подобрат условите за работа во со цел да се искористи овој потенцијал и работните места станаа поатрактивни.

– Неколку стотици медицински сестри од Бразил нема да ги решат овие проблеми. Неопходно е подобрување на условите во овој сектор, рече Бриш. Тој предупреди дека многу поранешни старатели се преквалификувале за помалку стресни и подобро платени занимања.

Се проценува дека приватниот сектор на туѓа нега веќе би пропаднал без многуте работници од Источна Европа кои се вработени во домаќинствата.

Просечната годишна бруто плата во секторот згрижување е околу 40.000 евра.

 

Можете да прочитате

Надворешен долг, побарувања и меѓународна инвестициска позиција во четвртото тримесечје од 2023 година

Одржана седница на Советот на Народната банка: Во вториот квартал од 2025 година стапката на противцикличниот заштитен слој на капиталот ќе остане 1,5%

Битиќи: На ВМРО-ДПМНЕ им е непријатно кога гледаат како платите растат