Полициски службеници од СВР Скопје вечерва го лишија од слобода 57-годишниот Д.Н. од Скопје, под сомнение дека подметнал пожар на тревната површина на улицата „Стево Црвенковски“ во Ѓорче Петров.
Инцидентот се случил околу 21:40 часот, кога осомничениот запалил сува трева, а неговото однесување било забележано од случаен минувач, кој веднаш ја известил полицијата.
„По добиената пријава, полициските службеници преземаа соодветни мерки и активности, по што сторителот беше приведен,“ информираа од Министерството за внатрешни работи.
Против лицето ќе биде поднесена соодветна кривична пријава по целосно документирање на случајот.
