Кина ги исклучи потпретседателот на Централната воена комисија, Жанг Јуксија и началник на Здружениот штаб на вооружените сили, Лиу Женли од Комунистичката партија и армијата поради „сериозни прекршувања на дисциплината и законот“.
Двајцата генерали се обвинети за нелојалност, корупција и занемарување на должноста. Во извештајот се наведува дека тие „сериозно ја прекршиле политичката дисциплина и правила, формирале клики и фракции и биле нелојални и нечесни кон партијата“.
Тие, исто така, се товарат дека нивната корупција е поврзана со занемарување на должноста и злоупотреба на положбата.
Во соопштението се посочува дека „сумите за кои станува збор се исклучително големи, природата на нивното однесување била исклучително сериозна, а последиците ужасни“.
Истрагите против двајцата генерали беа објавени во јануари, а тие беа отстранети од своите позиции во државната Централна воена комисија кон крајот на август. Нивното исклучување е дел од широката антикорупциска кампања што ја започна кинескиот претседател Шји Џинпинг во 2012 година, а армијата беше една од главните цели на таа кампања.
Жанг беше и член на моќното Политбиро на Комунистичката партија и еден од ретките кинески воени команданти со борбено искуство. Додека Луи важеше за најблизок воен сојузник на претседателот Шји.
