Утрински Весник
Економија

Државни претпријатија се вклучуваат во санација на улици и патишта оштетени од поплавите во Делчево и Крива Паланка

Државни претпријатија се вклучуваат во санација на улици и патишта оштетени од поплавите во Делчево и Крива Паланка

Владата ја разгледа и усвои информацијата за преземени активности во врска со прогласената кризна состојба на дел од територијата на државата, на подрачјата на Општина Делчево и Општина Крива Паланка и донесе одлука за утврдување на општинските патишта и улици, за коишто работите за рехабилитација и реконстуркција ќе ги вршат јавни државни претпријатија.

dobivaj vesti na viber

Со одлуката, како што е образложено од предлагачот, Министерството за транспорт и врски, практично се овозможува на Јавното претпријатие за одржување магистрални и регионални патишта и на Јавното претпријатие за државни патишта – и покрај тоа што станува збор за општински улици и патишта, во интерес на граѓаните, да ги преземат сите потребни мерки и активности за санирање, заштита и реконструирање на улиците во општините Делчево и Крива Паланка.

Oва е направено по доставено известување од Општината Крива Паланка, со листа на приоритети за санација на штетите на инфраструктура коишто се во надлежност на општината и листа на приоритети на инфраструктурни објекти коишто се во надлежност на републиката, како и доставено известување од Општина Делчево, со листа на приоритети за улиците, атмосферските канализации, регулација на реките и мостот на река Брегалница.

Со цел ефикасност во постапувањето, Владата ги задолжи Јавното претпријатие за државни патишта и Јавното претпријатие за одржување магистрални и регионални патишта, во рок од 6 месеци, да достават Извештај за извршената рехабилитација и реконструкција на утврдените општински улици и патишта.

Можете да прочитате

Нова граѓанска обврзница со камата од 4,6 проценти, минималниот влог е 10.000 денари

Европската Унија гледа стратешки потенцијал во минералните ресурси на земјите кандидатки, но повикува на развој на целосни синџири на вредност

Божиновска на P-TEC: По три децении зависност од еден извор на гас, се отвораат нови енергетски правци и регионални поврзувања