Фудбалерите на Баерн Минхен направија голем чекор кон шампионската титула во Бундес лигата. Во рамките на 31. коло, Баерн како гостин го совлада Вердер со 2:1. Со натпревар повеќе од Борусија Дортмунд, Баерн сега на првото место има четири бода повеќе од најголемиот конкурент во трката за титулата.
Навивачите на Борусија Дортмунд цел час се надеваа дека Баерн може да испушти бодови во Бремен. Но, во 62. минута Серж Гнабри на асистенција на Мусијала го постигна водечкиот гол, а точка на натпреварот стави Сане 11 минути подоцна.
Почесниот гол за Вердер го постигна Шмит во 87.минута.
Избраниците на Томас Тухел и овој пат не блескаа, но ја остварија целта, освоија три бода и го префрлија притисокот кај играчите на Борусија.
„Милионерите“, утре ќе го пречекаат Волфсбург.
