Соопштение за јавност на Алијанса за Албанците:
Алијанса за Албанците изразува критички став за Законот за прекршоци, во кој е опфатен и проектот „Безбеден град“, оценувајќи дека актуелната примена на овој проект покренува сериозни правни, социјални и уставни загрижености.
Како прво, Алијанса за Албанците укажува дека не се спроведува Законот за употреба на јазиците, особено во службената комуникација со граѓаните, вклучително и известувањата и санкциите што произлегуваат од проектот „Safe City”. Ова претставува директно кршење на јазичните права на граѓаните Албанци и е неприфатливо во една мултиетничка држава.
Како второ, бараме ревизија на висината на казните и на делот на толеранција, со цел граѓаните да не бидат неправедно оштетени. Безбедноста во сообраќајот е важна и неопходна, но таа не смее да се врши на сметка на благосостојбата и егзистенцијата на граѓаните, преку непропорционални казни и без социјална чувствителност.
Како трето, Алијанса за Албанците потенцира дека селективната примена на проектот „Safe City” само во неколку градови е неправедна и дискриминаторска. Доколку овој проект има за цел зголемување на јавната безбедност, тогаш тој мора да се спроведува рамноправно на целата територија на државата, а не само во три града.
Алијанса за Албанците бара од надлежните институции итно да ги адресираат овие забелешки, да отворат јавна дебата и да обезбедат секој ваков проект да биде во согласност со законот, еднаквоста и реалниот интерес на граѓаните.
