Полицијата во Гостивар привела 45-годишен маж по пријава за физички напад врз неговата 35-годишна сопруга, а дополнително биле пријавени и други форми на насилство што, според пријавата, траеле подолг период.
Денеска полициски службеници од Полициската станица Гостивар го лишиле од слобода И.Т. (45) од Гостивар. По пријавата за физички напад врз сопругата, кај него било измерено присуство на 1,01 промил алкохол во крвта.
Во текот на вечерта, жената дополнително пријавила дека И.Т., во подолг период и под дејство на алкохол, ја принудувал на сексуални односи, како и дека вршел психичко и физичко малтретирање врз неа и нивните деца. Врз основа на тоа, во 23:55 часот бил извршен претрес во домот на И.Т., при што се пронајдени и одземени предмети поврзани со кривично дело.
Од МВР информираат дека лицето е задржано во полициска станица за понатамошна постапка. Најавуваат дека по целосното документирање на случајот, против него ќе следува соодветен поднесок.
