Струмица, 19 март 2020 (МИА) – Покрај секојдневната дезинфекција на улиците во градот, денеска почнаа да се дезинфекцираат и улиците во населените места Градско Балдовци и Дабиле, а во наредните денови тоа ќе се изврши и во останатите села во општина Струмица, информираат од ЈПКД „Комуналец“.
Истовремено дезинфекција се изврши и на пазарот за земјоделски производи „Чешел“, управната зграда на „Комуналец“ и на четири наплатни центри, а во наредните денови во пазарот во ГТЦ „Глобал“, Пазарот на големо и Сточниот пазар.
Дезинфекцијата ја вршат екипи на ЈПКД „Комуналец“ и Територијалната професионална противпожарна единица.рт/см/
