Израелскиот премиер Бенјамин Нетанјаху изјави дека војната со Иран не е завршена бидејќи Иран сè уште поседува збогатен ураниум кој „мора да се отстрани“ од земјата, како и други воени капацитети за кои вели дека сè уште треба да се неутрализираат.
„Мислам дека војната постигна многу, но не е завршена бидејќи Иран сè уште има нуклеарен материјал, збогатен ураниум кој мора да се изнесе од Иран“, рече Нетанјаху за време на гостувањето во емисијата „60 минути“ на Си-Би-Ес.
Целото интервју ќе биде емитувано вечерва.
Тој додаде дека Иран сè уште има постројки за збогатување на ураниум што треба да ги демонтира, сојузници што ги поддржува и балистички ракети што сака да ги произведува. „Многу ослабнавме, но сè е сè уште таму и има уште работа што треба да се направи“, рече Нетанјаху во однапред објавен дел од интервјуто, додека целото интервју ќе биде емитувано вечерва.
Нетанјаху не прецизираше дали се осврнува само на залихите од високо збогатен ураниум, речиси доволно за производство на нуклеарно оружје, за кои се верува дека се закопани под земја во Исфахан, или на сите залихи од збогатен ураниум на Иран.
Кога го прашале како треба да се отстрани материјалот, тој одговорил: „Вие одете таму и земете го“.
