Водата за пиење во Берово е целосно безбедна за употреба, откако трите последователни анализи во акредитирана лабораторија покажаа дека ги исполнува сите законски стандарди за квалитет.
Од Јавното претпријатие „Услуга“ појаснуваат дека анализите се спроведени согласно Правилникот за безбедност и квалитет на вода за пиење, а резултатите покажале дека ниту еден параметар не надминува дозволени граници.
Инспектор од Агенцијата за храна и ветеринарство потврди дека водата е исправна за пиење и може да се користи без ограничувања.
Општина Берово истакнува дека во изминатиот период се преземени мерки за континуирано мониторирање и благодарни се на граѓаните за трпеливоста. Мониторингот на квалитетот на водата ќе продолжи и натаму за да се одржи високото ниво на безбедност.
