Најмалку 25 лица се повредени во експлозијата на гас што се случи во бар во населбата Пуенте де Ваљекас во Мадрид јавува El Pais.
Од нив, тројца се во тешка здравствена состојба.
Експлозијата се случила околу 15 часот по локално време, на улицата Мануел Марото, во бар кој се наоѓа во приземјето на станбена зграда.
Од силината на експлозијата се урнал дел од соседниот влез, како и еден од ѕидовите на самиот бар.
На местото на настанот пристигнале 13 припадници на Цивилната заштита и 17 пожарникари од Градското собрание на Мадрид.
Полицијата ја затворила улицата, а итните служби продолжуваат да го расчистуваат теренот и да ја обезбедуваат областа.
