Земјотрес со јачина од 5,3 степени според Рихтер денеска го погоди јужниот брег на Мјанмар.
Ова го покажуваат податоците на Европско-медитеранскиот сеизмолошки институт.
Според информациите, земјотресот се случил на оддалеченост од околу 142 километри од градот Јангон, а епицентарот на земјотресот бил на длабочина од десет километри.
Минатиот петок земјотрес со јачина од 7,7 степени според Рихтеровата скала го погоди Мјанмар, а како последица на земјотресот загинаа повеќе од 2.700 луѓе, а повеќе од 4.520 од нив беа повредени, а повеќе од 400 се водат како исчезнати, соопшти владејачката воена хунта во таа земја.
