Коалицијата Вреди информира дека првиот вицепремиер во Владата, Изет Меџити, започнал со координативни состаноци со министрите од партиите од коалицијата со цел успешно и ефикасно работење во Владата.
„Во насока на обезбедување висок степен на ефикасност во спроведувањето на нашите програмски заложби, првиот вицепремиер и министер за животна средина, Изет Меџити започнува пракса на редовна координација со министрите за здравство, европски прашања, економија, добро владеење, труд, демографија и млади, кои се избрани на предлог на коалицијата Вреди.
Ваквиот тип на координација ќе се прошири и со замениците министри и другите избрани и именувани кадри на Вреди во извршната власт.
Остануваме целосно посветени на спроведување на предизборните ветувања и спроведување на политики кои ќе ги решаваат проблемите на граѓаните, ќе го подигнат животниот стандард и ќе обезбедат сигурна иднина.
Фокусирани сме на динамизирањето на ЕУ перспективите, борбата против корупцијата, економскиот развој и децентрализацијата на власта кон општините како прв непосреден сервис за граѓаните.
Имаме план и визија за испорачување на резултати во прецизно утврдени рокови. Заедно со претседателот на Собранието и пратениците од владејачката коалиција ќе предлагаме и усвојуваме соодветни законски решенија“, се вели во соопштението.
