Таксист во Скопје почина од срцев удар.
Се работи за 62-годишен скопјанец со иницијали Ќ.В., кому му се слошило на булеварот Словенија додека превезувал патник.
Во моментот кога му станало тешко, управувајќи со возилото, таксистот излетал од коловозот и удрил во дрво.
По несреќата возачот бил пренесен во Градската општа болница „8 Септември“, каде од страна на лекар била констатирана смрт како последица од срцев удар.
Извршен бил увид.
Засега нема информации од МВР дали патникот се здобил со повреди за време на ударот во дрвото.
