Претседателскиот кандидат, поддржан од политичката партија Левица, професорката Билјана Ванковска се огласи со реакција по изјавата од страна на Тимчо Муцунски, градоначалникот на Општина Аеродром и потпретседател на ВМРО-ДПМНЕ, во однос на промената на Уставот. -Можеби некој конституционалист/уставен правник ќе ни објасни што значи ова „одложена примена на уставните измени”… Јас за вакво нешто во компаративното уставно право не сум слушнала. Но, ова е Македонија – земјата на чудата. Моето “лаичко” толкување е: ние навистина ќе го смениме уставот и ќе ги вметнеме и Бугарите и сите други, но ќе се преправаме дека уставните амандмани не се во сила до крајот на преговорите. (Не заборавајте дека ветија и намалување на бројот на пратеници за што е потребно да се смени уставот). Впрочем, и Заев ве лажеше за имплементацијата на Преспанскиот договор дека ќе се случи “поглавје по поглавје”. И ова го нарекуваат “непопустлива надворешна политика”. Немојте после не сте знаеле. Само треба да читате меѓу редови.”
Ванковска до Муцунски: Уставното право не познава “одложена примена на уставни измени”
