Бесни патници, хаос во авионскиот сообраќај, гужви и нервози. Вака накратко може да се опише вчерашниот хаос на аеродромот „Никола Тесла“ во Белград. Српскиот министер за градежништво, транспорт и инфраструктура, Горан Весиќ утрово изјави дека за вчерашните работни проблеми е одговорен операторот на аеродромот Никола Тесла, француската компанија „Венчи“ (Винчи), поради што се откажани три лета и 17 доцнеа. Весиќ изрази очекување дека компанијата ќе им се извини на патниците, а авиокомпаниите кои претрпеле штета и откажале или одложиле летови ќе имаат можност да си ја наплатат штетата од операторот. Како што објасни за Танјуг, хаосот настанал бидејќи возачот на автобусот ги однел патниците кои долетале од Скопје на погрешен излез се измешале со патници кои веќе ја поминале контролата и требало да одат до авионот. Како што напоменува и тој ова е целосно неприфатливо. -Точно е дека се случуваат човечки грешки, дека тоа не се случува само на белградскиот аеродром, но факт е дека грешките им се случуваат многу често и дека ќе мора многу повеќе да работат на нивната организација бидејќи мора да ги почитуваат патниците на белградскиот аеродром како што тоа го прават и на аеродромите во Франција. Многупати сум разговарал за тоа со нив и очекував да научат од тоа и подобро да се организираат, рече министерот.
